Започна реализацијата на проектот за реконструкција и рехабилитација на локалниот пат Умлена – Робово
Започна реализацијата на долгooчекуваниот проект „Реконструкција и рехабилитација на локалниот пат Умлена – Робово“, кој претставува една од најзначајните инфраструктурни инвестиции за жителите на двете населени места.
Со реконструкцијата и рехабилитацијата на овој локален пат значително ќе се подобри патната инфраструктура што ги поврзува селата Умлена и Робово, ќе се зголеми безбедноста на сите учесници во сообраќајот и ќе се овозможи побрзо, полесно и поквалитетно поврзување на локалното население.
Реализацијата на проектот е овозможена со финансиска поддршка од Владата на Република Македонија, која преку инвестиции во локалната инфраструктура придонесува за рамномерен развој на општините и подобрување на условите за живот на граѓаните.
Општина Пехчево изразува искрена благодарност до Владата на Република Македонија за поддршката и успешната соработка во реализацијата на овој значаен проект. Заедничките инвестиции претставуваат потврда на заложбите за создавање современа инфраструктура и подобар квалитет на живот за сите граѓани.
Воедно, Општина Пехчево ги повикува сите учесници во сообраќајот да бидат особено внимателни и да ја почитуваат поставената сообраќајна сигнализација додека траат градежните работи, со цел безбедно одвивање на сообраќајот и непречена реализација на проектот.
Општина Пехчево продолжува посветено да инвестира во развојот на локалната инфраструктура, реализирајќи проекти кои директно придонесуваат за подобри услови за живот и одржлив развој на целата општина.
