Денеска децата од големата група од ОЈУДГ „7 Септември“ – Пехчево, заедно со нивната воспитувачка Магдалена Гошевска, негователката Агница Г. Мишевска и музичкиот педагог Драган Колевски, беа во посета на Градоначалникот на Општина Пехчево, по повод Недела на детето. На средбата децата преку песна ги кажаа своите права и обврски и беа љубопитни за надлежностите на Градоначалникот и општината. Исто така ги искажаа и своите желби, за тоа, што сакаат да се подобри во нашата општина. Бидејќи во периодот додека трае Недела на детето децата подаруваат, овие прекрасни дечиња му подарија на Градоначалникот макета изработена од салфети со Грбот на Општина Пехчево.
