Денеска Општина Пехчево во соработка со ООУ „Ванчо Китанов“ – Пехчево и Вело Училиштето – Скопје, организираше еднодневен тренинг на тема: „Основи на велосипедизмот ( теорија и пракса )“. Дел од учениците од ООУ „Ванчо Китанов“ – Пехчево под раководство на нивните наставници по физичко образование, а придружувани од претставници од Општина Пехчево, медицински тим од ЈЗУ „Иван Георгиев“ – Пехчево и полициски службеници од ПС од општа надлежност – Берово и Гранична полиција – Пехчево, возеа велосипеди од Пехчево ( „Плоштад Свети Петар и Павле“ ) до „Едукативен центар во село Негрево – Пехчево“. Од страна на претствник од Вело училиште, на учениците учесници во активноста, во дворот на Едукативниот ценатр им беше презентирано како треба правилно да управуваат со велосипедите, која заштита опрема треба да ја носат, како да се справат во случај на проблем со велосипедот и сл. После теоретското предавања учениците продолжија со возење на велосипедите по „Патеката на Петко и шумските жители“ и се вратија во Пехчево. Тоа за нив беше едно ново интересно, едукативно доживување во природа.
