Претставници на Организацијата на жени на Пехчево, вчера беа во посета на локалната самоуправа и градоначалникот Тренчовски. Во кабинетот на градоначалникот симболично беше поставена голема портокалова панделка, за поддршка на ставањето крај на насилството врз жени и девојчиња, со што беше одбележана глобалната кампања „16 дена активизам против родово базирано насилство“ која се одржува во периодот помеѓу 24 ноември – Меѓународниот ден за елиминација на насилството против жените и 10 декември – Меѓународниот ден на човековите права.
На состанокот Претседателката на организацијата на жени од Пехчево Примариус доктор Нада Симовска го промовираше и активностите на проектот „Кафе муабет за живот – некогаш и сега“ кој започна со реализација на 01.11.2017г. На градоначалникот Тренчовски му беа презентирани конктретните активности на двете страни, како и логистичка и друга подршка која е потребна од локалната самоуправа, при што следуваше и потпишување на Меморандум за соработка од двете страни.
Проектот „Кафе муабет за живот – некогаш и сега“ е мал проект-грант, кој се спроведува во партнерство на Црвен крст на Р.Македонија, НВО Хуманост-Скопје, Мрежата Инклузива М, како дел од Проектот – Преземање на акција за социјално вклучување на старите лица, со финансиска подршка од Европската унија, Црвениот крст на Австрија и Австриската развојна помош за Македонија.
Покрај овие активности Симовска го запозна градоначалникот и за одбележувањето на Неделата за грижа на стари лица и за прашања од комунален интерес на граѓаните.
На средбата се заклучи дека е неопходно ажурирање на постојаните комисии, формирани од Советот на општината, Комисијата за еднакви можности меѓу мажите и жените,Комисијата за заштита на правата на пациентите,Советот на млади и други тела,кои значат поврзаност на граѓаните со локалната самоуправа.
