Спортската сала при СОУ„Ацо Русковски“, Берово – „Македонски Бранители“ беше местото каде учениците заедно со своите родители и наставници, во рамки на проектот „Спортот и семејните вредности“ спортуваа и се забавуваа. Овој проект, во кој сите се победници и чија основна цел е да се промовира спортот и да се стимулираат граѓаните преку спортот и спортските активности да се дружат повеќе меѓусебно и да се зајакнат врските во семејството, се реализираше под покровителство на Агенцијата за млади и спорт, Сојузот на спортски федерации на Р.Македонија, општина Пехчево и општина Берово.
Децата од основните училишта од Пехчево и Берово се натпреваруваа во штафета, балансирање со топка, игра на прецизност, ракомет, фудбал и други забавни игри.
Првиот човек на општина Пехчево, градоначалникот Поповски се заблагодари на Агенцијата за млади и спорт што ја одбрале Малешевијата како дестинација за реализација на овој благороден проект, со кој како што рече ќе се придонесе за создавање на стабилни и силни врски помеѓу родителите и децата. Спортот ја имаа таа моќ, да ги зближува луѓето и ваквите проекти се добредојдени секогаш.
Настанот го отвори директорот на АМС, Марјан Спасески кој изрази задоволство од масовноста и од подготвеноста на посетителите да спортуваат и низ заедничка дружба да ги промовираат спортските принципи.
На натпреварот учествуаа и дечињата од ООУ.„Ванчо Китанов“ од Пехчево. Сите дечиња се победници односно победи спортот победи другарувањето, победи забавата.
Дечињата освен спомените од убавото дружење, со себе сите понесоа и награди – подароци од покровителите, по една ташничка со знамето на Македонија и топки за нови спортски игри, предизвици и дружења.
