Директорот на Агенцијата за храна и ветеринарство м-р Зоран Поповски, со претставници од секторите и одделенијата во Агенцијата, на 18.03.2015г. (среда), од 11 часот во Пехчево (сала за состаноци-Општина Пехчево), ќе земат учество на Отворените денови на Агенцијата за храна и ветеринарство, а со цел да се понудат информации и решенија за отворените проблеми со кои се соочуваат сточарите и операторите со храна, со кои оваа агенција директно соработува.
На средбите, граѓаните и компаниите од земјоделско-прехранбениот сектор ќе имаат можност да се запознаат со работата на Агенцијата, да дадат предлози, да се информираат за прашања кои се од нивни интерес, а се во доменот на работа на Агенцијата, како и да побараат стручна помош.
