Во село Робово деновиве интезивно се гради канализационата мрежа во должина од 1150 метри. Договорот за изградба на канализационата мрежа со фирмата изведувач Коп-Инженеринг ДООЕЛ Батинци е до крајот на 2014 година, тоа значи дека до крајот на годината мештаните ќе ја добијат долгоочекуваната канализациона мрежа со што конечно ќе се реши долгогодишниот проблем.
Градоначалникот Игор Поповски беше во посета на ова градилиште и оствари средба и со граѓаните од ова село. Нивното задоволство беше очигледно, бидејќи конечно ќе им се реши долгогодишниот проблем со фекалната канализација.
Инаку, проектот ,, Изградба на канализационен систем за одпадни води во с. Робово ‘‘, доби најголема подршка од граѓаните на општината кои учествуваа на Форумот за води, во рамки на повикот за мали инфраструктурни проекти од Проектот за управување со речниот слив на р. Брегалница.
Изградбата на новата канализација чини 3,024.180 денари, додека проектот е финансиски подржан од страна на Државниот секретаријат за економски работи (SECO) на Швајцарската Конфедерација со 67 % и 33 % од буџетот на општина Пехчево. Овој проект претставува еден од поголемите инфраструктурни зафати во с. Робово односно еден од ветените проекти во програмата на градонацалникот Поповски.
