Во согласност со Акцискиот план за реализација на масовни спортски активности за зголемување на нивото на вклученост на учениците во системот на натпревари и спортски активности од училишниот спорт во 2014 година, ООУ ,,Ванчо Китанов,, – Пехчево со подршка од општина Пехчево на ден 28.03.2014 година (петок) во периодот од 12:00 до 14:00 часот ќе организира крос натпревари.
Во крос натпреварот ќе учествуваат ученици од V (петто) до VIII (осмо) одделение од ООУ ,,Ванчо Китанов,, – Пехчево и дисперзираните паралелки – Пехчево при ОСУ ,,Ацо Русковски,, Берово од I (прва) до IV (четврта) година поделени во екипи. Екипите ќе бидат составени со ученици од V (петто) до VIII (осмо) одделение женски и машки и од I (прва) до IV (четврта) година ученици женски и машки, а ќе се натпреваруваат во крос натпревар.
Во првата трка ќе се натпреваруваат учиниците од V (петто) до VIII (осмо) одделение: (женски) = 500 метри, додека во втората трка ќе се натпреваруваат учениците од V (петто) до VIII (осмо) одделение (машки) = 500 метри.
Во третата трка ќе учествуваат учениците од I (прва) до IV (четврта) година (женски) = 500 метри, а во четвртата и последна трка ќе се натпреваруваат учениците од I (прва) до IV (четврта) година (машки) = 500 метри.
Целиот натпревар е планиран да заврши со избор на трите најдобри во сите категории посебно. Победниците во рамките на крос натпреварот ќе им се доделат награди и тоа: Првата награда ќе изнесува 1500 денари, за второто место се предвидени 1000 денари, а натпреварувачите кои ќе го освојат третото место ќе добијат 500 денари.
Целта на спортските активности е да се развие спортскиот дух кај учениците, да се дружат, забавуваат и да спортуваат заедно големите и малите ученици од различни училишта во општината.
