Се информираат СТОЧАРИТЕ од територијата на општина Пехчево дека во контекст на појавата на болеста ЧВОРЕСТА КОЖА кај говедата во општина Пехчево, а со цел да се спречи ширењето на истата неопходно е ИТНО да се превземат биосигурносни мерки.
Агенцијата за храна и ветеринарство подготви Упатство за примена на биосигурносни мерки на одгледувалиште, заштита на животните од убоди од инсекти и безбедно користење на ѓубриво од животинско потекло, со цел да се спречи ширењето на болеста Чвореста кожа кај говедата кое е наменето за ветеринарните друштва, болници и сточарите и ги содржи насоките за преземање на мерки за спречување на влез и ширење на болести и штетници кои може да предизвикаат големи економски штети во сточарството, намалена продуктивност на животните и дополнителни трошоци за нивно сузбивање и искоренување.
Основни мерки за спречување на ширење на болеста:
- Да се спречи влез и размножување на глодари и инсекти преку спроведување на ефикасна програма за дезинфекција, дезинсекција и дератизација, односно
- Да се користат средства против инсекти (РЕПЕЛЕНТИ),
- Да се постават мрежи на отворите на објектите за животни (прозорци и врати),
- Животните да се држат затворени во штала која има заштита од влез на инсекти и кој редовно се третира со инсектицид во периодот кога инсектите се најактивни односно од 19:00 навечер до 08:00 наутро.
За средствата неопходни за спроведување на биосигурносните мерки граѓаните може да се информираат и да ги набават кај соодветните ветеринарни субјекти.
