Патотниот правец Пехчево-Туристичката населба Равна река кој во четвртокот беше блокиран поради свлечиште и однесе дел од патот кон населбата, е саниран и од вчера е прооден,а сообраќајот е нормализиран за сите видови моторни возила.
На санирањето на патот учествуваа над десетина возила и петнасетина работници. Фирмата Вардар градба – Скопје, која ги гради хидроцентралите на туристичката населба Равна река и екипи од општина Пехчево, кои работеа на санирање на патот информираат дека патот е нормализиран и сообраќајот се одвива без никаков застој.
Општина Пехчево до сите учесници во сообраќајот препорачува да бидат внимателни при движењето по овој пат, да ја почитуваат поставената сообраќајна сигнализација и да ја прилагодат брзината на движење кон условите на патот.
