Врз основа на Договорот за соработка помеѓу Програмата за развој на обединетите Нации и општина Пехчево, проектот “Промовирање на одржливи вработувања III” и поддршка на Владата на Република Македонија во спроведување на Оперативниот план за активни програми и мерки за вработување за 2014 година и Програмата за Општинско – корисна работа, општина Пехчево и Министерството за труд и социјална политика, Меѓуопштински центар за социјални работи – Берово на ден 27.05.2014 година објавуваат:
Ј А В Е Н О Г Л А С
до
,,крајни корисници,, за користење на услугите од проектот “Патронажна служба за помош и нега на стари и изнемоштени лица во домашни услови – нова форма на социјална услуга во општина Пехчево”
1. Се повикуваат сите заинтересирани граѓани од следните категории:
- стари, осамени и изнемоштени лица,
- хронично болни лица,
кои се заинтересирани да се вклучат во програмата Општинско-корисна работа, проект “Патронажна служба за помош и нега на стари и изнемоштени лица во домашни услови – нова форма на социјална услуга во општина Пехчево” како ,,крајни корисници,, односно да бидат корисници на услуга –организирана посета од страна на обучени лица за помош и нега во домашни услови, да поднесат Пријава за учество.
2. Работните активности кои се предвидени со проектот “Патронажна служба за помош и нега на стари и изнемоштени лица во домашни услови – нова форма на социјална услуга во општина Пехчево” предвидуваат социјална инклузија на старите/изнемоштени лица и поддршка на нивните секојдневни активности во насока на подобрување на нивната здравствена и хигиенска состојба.
Истите предвидуваат но не ограничуваат:
– услуги од основен пакет на медицинска заштита (мерење на крвен притисок, шекер во крвта и др.)
– консултации со матичен доктор и набавка на лекови на дневна основа;
– набавка на продукти за домаќинството;
– приготвување на топол оброк/напиток;
– вршење на поситни работи во домаќинството (мие садови, внесува дрва за огрев и др.);
– плаќање на сметки;
– носење на храна од ЈПУД ,,Равен,, Пехчево (по потреба) и др.
3. Крајните корисници (или во нивно име друго лице) Пријави за учество можат да поднесат во просториите на Министерството за труд и социјална политика, Канцеларија за материјална помош – Пехчево (кај лицето Роза Пајантова – Социолог, Одговорно лице за помош и нега од друго лице) и во Општина Пехчево најдоцна до 30.05.2014 година.
4. Изборот на пријавените кандидати – крајни корисници ќе биде извршен во консултации со матичните доктори и претставници од МТСП, Меѓуопштински центар за социјални работи, Канцеларија за материјални давања Пехчево.
5. Проектот “Патронажна служба за помош и нега на стари и изнемоштени лица во домашни услови – нова форма на социјална услуга во општина Пехчево” ќе започне да се имплементира на 01.06.2014 година со времетраење од 9 месеци.
Детални информации за Јавниот оглас можат да се добијат во општина Пехчево кај лицето Љупчо Каракашовски, Општински координатор за Програмата Општинско-корисна работа на Тел: 033 441 321 и Моб: 075 467 503 и Душко Миовски Моб: 076 298 147 и на следната интернет адреса: www.pehcevo.gov.mk
