Во рамките на тековните активности, предвидени со годишната програма на градоначалникот и локалната самоуправа, интензивно се работи на остварување на активностите за подобрување на патната инфраструктура во градот Пехчево.
Деновиве во Општина Пехчево на повеќе локации се изведуваат градежни работи.
Денес започнаа градежните активности околу изградбата на улицата Партизанска во Пехчево. Оваа улица со години беше земјена нетампонирана. Со проширувањето и поплочувањето на оваа улица ќе се реши долгогодишниот проблем, а ќе им се олесни и движењето на жителите кои живеат на овој потег. Улицата е во должина од 400 метри, а вредноста на проектот изнесува 500 илјади денари, средства од Буџетот на општина Пехчево.
Градоначалникот на општина Пехчево изрази надеш дека новата улица ќе ги задоволи потребите на жителите за нередните неколку децении. Изградбата на улицата треба да заврши до крајот на оваа недела, но според досегашниот интензитет на одвивање на работите се очекува тоа да биде и порано од предвиденото.
Ветувањата на градоначалникот Игор Поповски доследно се спроведуваат, согласно предложената програма која ја доби довербата на мнозинството граѓани на локалните избори во 2013 година.
