Согласно Законот за заштита на населението од заразни болести, препораките на Владата на Република Македонија и Министерството за здравство на РМ, за спроведување на превентивна систематска дезинсекција на територијата на Општина Пехчево како општа противепидемијска мерка за заштита на населението од појава на заразни болести кои се пренесуваат преку вектори, ЈЗУ Центар за јавно здравје – Битола го издава следното соопштение:
Ве известуваме дека на ден 13.08.2013 година. ( вторник ), екипи на Центарот за јавно здравје Битола ќе спроведува ПРЕВЕНТИВНА ТЕРИСТИЧКА ( од земја ) ДЕЗИНСЕКЦИЈА со цел уништување на комарците. Запрашувањето ќе се врши во периодот од 21.00 до 23.00 часот, со апаратура за УЛБ ладно запрашување поставена на пикап-возило. Со оглед на тоа дека активностите ќе се изведуваат во вечерните часови, на возилото со апаратура за дезинсекција ќе му предходи друго возило означено со ротационо светло.
Со дезинсекцијата ќе бидат опфатени зелените површини во Општината, подрачјата по течението на реки и водотоци, застојни води и подрачја околу канални системи на територијата на Општина Пехчево, урбани населби и локалитети предвидени во планот и програмата.
Третирањето ќе се изведува со препаратот AQUA K-OTHRINE со активна супстанца DELTAMETRIN.
Со информации за активностите од страна на ЈЗУ ЦЈЗ Битола известени се и медиумите, здруженијата на пчеларите, здравствените институции, локалната самоуправа и други институции.
Во случај на појава на неповолни временски услови ( ветар, дожд ) дезинсекцијата се одложува за следниот поволен ден.
За сите информации и прашања отворен телефон за контакт во Центарот за јавно здравје Битола 047/208-100 или 047/208-101.
