По повод Светската недела на детето, денес Градоначалникот на Општина Пехчево, Александар Китански присуствуваше на офицјалниот прием на првачињата во Детската светска организација во ООУ „Ванчо Китанов“ – Пехчево. Учениците од петто и шестто одделение со нивните наставници имаа подготвено програма во чест на првачињата и им посакаа топло добредојде. Кратка програма имаа и првачињата, а го кажаа и своето ветување дека ќе бидат добри ученици и другари и дека ќе ги почитуваат правилата во училиштето.
