По повод 25 Ноември„ Меѓународен ден за борба против насилство врз жените“ делегација на Организацијата на жените на Пехчево (ОЖП) предводена од Претседателот на здружението Нада Симовска го посети Градоначалникот на општина Пехчево Г-дин Игор Поповски, со што започна со своите активности за одбележување на “16 дена борба против семејното насилство”. Целта на посетата беше запознавање со активностите за спроведување на кампањата ПОТПИШУВАМ – водена од Националниот совет за родова рамноправност спроведена во рамки на проектот „ Со заеднички напори – Кон нови европски стандарди во заштита на жените од родово базирано насилство“., во кој што проект Организацијата на жените на Пехчево е локален партнер.
Целта на овој проект е придонес во воспоставување на сеопфатни законски решенија и политика за заштита на жените од насилството на Западен Балкан, како услов за достигнување на демократија, исполнување на човековите права, социјално вклучување и ускладување на европските стандарди, односно ратификување на Конвенцијата на Советот на Европа за спречување и борба против насилството над жените и домашното насилство. Проектот е финансиран од Европската унија во рамките на ИПА програмата и истиот трае 24 месеци.
Официјалниот линк на проектот можете да го видите ТУКА 
