На ден 27.09.2024 година ( петок ), ОВР Берово ПСОН – Берово во соработка со Општина Пехчево и ООУ „Ванчо Китанов“ – Пехчево, организираа активност за учениците од IV и V одделение. Полициските службеници на учениците им ги презентираа сообраќајните правила и прописи за безбедно движење на патиштата, законските прописи каде и од колку години можат да управуваат велосипед, електричен тротинет, мотоцикл, како безбедно да ја поминат улицата со и без пешачки премин, како да се движат кога одат во колона, движење по тротоар и движење по улица без тротоар, како безбедно да слегуваат од возило, која врата е безбедна на возилото и како безбедно да патуваат во возило. Исто така на учениците од страна на полициските службеници им беа презентирани видеа од Сообраќајниот буквар, а беа запознаени и со опремата која ја има еден полициски службеник.
