Општина Пехчево доби грант за зголемување на енергетската ефикасност на Здраствен дом “Иван Георгиев” – Пехчево
Во согласност со Договорот за заем за финансирање на проекти за енергетска ефикасност во јавниот сектор помеѓу Меѓународната банка за обнова и развој – Светска банка, претставувана од Министерството за финансии и врз основа на одредбите од Законот за задолжување на Република Македонија со заем кај Меѓународната банка за обнова и развој – Светска банка по договорот за заем за финансирање на Проектот за енергетска ефикасност во јавниот секотр, Министерството за финансии и Општина Пехчево потпишаа Договор за грант за регулирање на меѓусебните права и обврки за финансирање и спроведување на проектот за „Реконструкција на ЈЗУ Здравствен дом – Пехчево“ за зголемување на енергетската ефикасност.
За финансирање на Проектот „Реконструкција на ЈЗУ Здравствен дом – Пехчево“ , за зголемување на енергетската ефикасност, Министерствот за финансии ќе обезбеди финансиски средства од заемот на Меѓународната банка за обнова и развој – Светска банка, во износ од 10.812.398 МКД. Проектни активности кои ќе се реализираат со овој проект се: изведба на нова енергетско ефикасна фасада, замена на постоечките прозорци и врати, изолирање на подови, како и изолирање на покривот.
Градежните работи ќе се реализираат во првата половина на 2024 година.
