Градежните екипи на фирмата „Жикол“-Струмица денеска започнаа со асфалтирањето на улицата Буковик, каде ќе нанесат нов асфалтен слој. По завршувањето на асфалтирањето на Буковик, градежните работи ќе се префрлат на другите 7 улици.
Градоначалникот Поповски при посетата и средбата со жителите на овие улици истакна дека асфалтирањето и обновувањето на улиците е приоритет на локалната самоуправа.
-Асфалтирањето, реконструирањето и обновување на сообраќајната мрежа во градот е наш приоритет. Не смееме да дозволиме граѓаните во 21-век да газат кал и да возат по лоши улици и затоа како градоначалник работам се што е во наша моќ да асфалтираме и обновиме што повеќе улици во општината, истакна Поповски.
Жителите на овие улици велат дека предолго чекале за реконструкција и асфарлтирање на овие улици, но и дека се задоволни од превземените активности од страна на општината.
Инаку, улиците се во должина од околу 3 километри. Ќе биде поставен асфалтен слој, а претходно се рушеа десетина стари градби кои ја попречуваа изградбата на улиците. Проектот е вреден 260 илјади евра, а грант средствата се обезбедени од Европската унија преку ИПА претпристапните фондови,а истите се администрирани според правилата на Светска банка.
Асфалтирањето на улиците треба да заврши до крајот на летото.
