Продолжуваат градежните активности во Пехчево и разубавувањето на градот. Со инвестиција од над 1.000.000 денари одвоени од Буџетот на Општина Пехчево, течат градежните активности околу изградбата на улицата Питу Гули.
Станува збор за извршување на земјени работи и вградување на бекатон плочки во должина од околу 300 метри и ширина околу 3 метри.
-Секојдневно ја водиме битката да го разубавиме Пехчево, да изгледа достоинствено како што му доликува на еден град, да решиме што повеќе од отворените прашања од животот во градот. Вложуваме максимални напори да го подобриме квалитетот на животот на сите Пехчевчани, вели градоначалникот на општина Пехчево, Игор Поповски.
Со изградбата на новата улица во градот, Општина Пехчево продолжува со предвидената динамика да ја подобрува состојбата на постојните улици, како и изградба на нови улици на нејзина територија.
Сретствата за реализацијата на овој проект се обезбедени од Буџетот на општина Пехчево во рамки на годишната програма на градоначалникот Игор Поповски за 2015/2016 година.
