Вчера градоначалникот на Општина Пехчево Игор Поповски оствари средба со бизнис секторот од општината. Во салата за состаноци во општина Пехчево, градоначалникот Поповски оствари средба со бизнис секторот на Пехчево. На средбата освен бизнисмени, сопственици на поголем број на дуќани присуствуваа и голем број на директори. Во своето излагање пред присутните градоначалникот направи една ретроспектива на сето она што го има направено во изминатиот период, но презентираше и дел од проектите влезени во неговата програма кои ќе треба да се реализираат како што нагласи во неговиот мандат.
Градоначалникот на средбата ги посочи и најважните проекти во делот на економскиот развој на кои ќе се посвети значајно внимание во идниот период: Изработка на програмата за привлекување на странски и домашни инвеститори, изградба на фекална канализација во индустриските зони, комунална инфраструктура и еликтрификација на Туристичката населба Равна река, поддршка на мали и средни претпријатија, формирање на општински фонд за поддршка на мали бизниси и доуредување на новиот градски плоштад, а ги објасни и новитетите за Фестивалот на дувачки оркестри Пехчево 2014 кој се одржува секоја година традиционално од 10 до 13 јули.
Бизнисмените ја поздравија иницијативата на градоначалникот и побараа ваквите средби да бидат почести.
