Во салата при Здравен дом-Пехчево се одржа трибина на тема „Малешевските планини-природни аптеки за добро здравје,“ чиј главен носител е Организација на жени-Пехчево, во соработка со Матична библиотека „Кочо Рацин“.
„Животот донесува убави мигови, но за таа убавина потребно е да ја уживаме довербата на луѓето кои навистина го разбираат трудот кој го трошиме за нив и возвраќаат со иста мера, во спротивно сета убавина на животот нема никаква смисла.“- истакна директорката Габриела Костадинова и со тоа ги поздрави присутните гости за топло добредојде. Посебно му се заблагодари на гостинот примариус м-р Илчо Захариев кој зборуваше на оваа трибина. Директорката и даде збор на примариус, др.Нада Симовска-претседателка на ОЖП како главен носител и организатор на трибината. Др. Нада истакна дека како дел од активностите што ги спроведува ОЖП е и проектот „Пехчевци горди со водопадите и Равна Река“. Тоа е проект од програмата за зачувување на природата финансиски подржана од Швајцарската развојна програма.
Габриела истакна дека трибината се одржува и по повод 23 Април-светскиот ден на книгата и авторското право.
Главното внимание сепак беше насочено кон Градоначалникот на Општина Штип примариус, м-р Илчо Захариев, кој беше во улога на фармаколог и зборуваше на темата „Малешевските планини-природни аптеки за добро здравје“.
Трибината траеше два часа и предизвика огромно внимание кај публиката. На трибината присуствуваше и Градоначалникот на Општина Пехчево Игор Поповски.
