Во соработка со Министерството за внатрешни работи, Министерството за здравство, Министерството за образование и наука и Црвен Крст, општина Пехчево со низа активности го одбележа Светскиот ден за сеќавање на жртвите во сообраќајни несреќи.
Мерење на крвен притисок и шеќер во крв, делење на информативен материјал за стари лица сообраќајна контрола од страна на полициски службеници и едукативно предавање беа активностите во Пехчево, кои го одбележаа Светскиот ден за сеќавање на жртвите во сообраќајни несреќи.
Полициски службеници вршеа контрола на сообраќајот и на возачите им делеа едукативен и информативен материјал од областа на безбедноста во сообраќајот на патиштата, на плоштадот во Пехчево од страна на екипа од Здравниот дом – Пехчево беше организирана и акција за мерење на шеќер во крв и мерење на крвен притисок, додека волонтерите во Црвен крст делеа информативен материјал за стари лица, а се со цел да се зголеми безбедноста на сообраќајот на патиштата и да се намали бројот на жртви.
Со спроведување на едукативни предавања во воспитно-образовните институции и промотивни настани за подобрување на свеста на сите учесници во сообраќајот, со крајна цел да се заштитат децата и да се намали бројот на повредени деца во сообраќајни незгоди, во ООУ. ,, Ванчо Китанов “ беше одржано сообраќајно едукативно предавање од страна на полициски службеници, за основните правила и прописи за безбедно учество во сообраќајот и за ризикот со кој се соочуваат најранливите категории на учесници во сообраќајот: пешаци, велосипедисти и деца.
Кампањата за одбележување на Светскиот ден за сеќавање на жртвите во сообраќајни несреќи ја подржа и градоначалникот Поповски, кој истакна дека основна цел е да се даде нов придонес во едукација на младите и да се предупредат возрасните, а особено возачите за доследно почитување на сообраќајните прописи и правила за да се намали бројот на жртвите и повредените низ сообраќајниците.
