Денеска во просториите на Општина Пехчево се одржа доделување на наградите по повод литературниот конкурс на тема „Мојот омилен лик“.
„По повод завршувањето на месецот на книгата ОУМБ„Кочо Рацин“-Пехчево распиша литературен конкурс наменет за учениците од ООУ„Ванчо Китанов“ и тоа од шесто до деветто одделение. На конкурсот се пријавија најмногу ученици од седмо и осмо одделение“ – истакна В.Д. Директорката Габриела Костадинова.
Таа истакна дека е многу задоволна од одзивот на учениците и сите раскази што пристигнале се навистина добри.
Комисијата во состав Габриела Костадинова-проф. по македонски јазик, Ванчо Сивевски-проф.по македонски јазик и Јулија Велковска-проф. по македонски јазик наградија наместо три, шест ученика.
Третото место го делат ученичките Марија Митриновска и Зорка Велковска.
Второто место го делат ученичките Наде Бакаловска и Симона Ризовска.
Првото место го делат ученичките Марија Богдановска и Антонела Поповска.
Оваа година покрај наградите што ги додели директорката Габриела Костадинова од страна на библиотеката и градоначалникот Игор Поповски ги награди учениците за нивниот труд и им препорача и во иднина да другаруваат со убавиот пишан збор.
-Децата сакаат да пишуваат, својата имагинација умеат да ја пренесат со соодветен вокабулар кој не ретко може да ги изненади возрасните. Сигурно било тешко, меѓу најдобри да се изберат најдобрите, но затоа пак комисијата додели по две први места, две втори места и две трети места. Силните аплаузи по литературните читања на најуспешните творби нека бидат мотив повеќе учениците да продолжат и во иднина да другаруваат со убавиот пишан збор, истакна градоначалникот Игор Поповски.
Наградените ученици пред градоначалникот и вработените во општинската администрација ги прочитаа своите раскази.
Манифестацијата заврши со доделување на скромни подароци од страна на директорката на библиотеката и од градоначалникот Поповски.
