На 09.03.2015 година во ООУ ,,Дедо Иљо Малешевски“ се одржа квиз натпревар „Колку го познаваш сообраќајот“ за учениците од основните училишта од Пехчево, Берово и Русиново.
Квиз натпреварот беше организиран од СВР Штип – Отсек за превенција во соработка со општина Берово и општина Пехчево, со финансиска поддршка од ОБСЕ.
На квиз-натпревар учество земаа три основни училишта ООУ “Дедо Иљо Малешевски“ од Берово, ООУ “Ванчо Китанов“ од Пехчево и ООУ “Никола Петров Русински“ од Русиново. Од секое училиште имаше по 3 ученика кои заедно со својот ментор го претставуваа училиштето. Учениците имаа задача да одговорат на повеќе прашања кои соодветно беа бодирани.
Целта на проектот е подигање на свеста и културата на младите учесници во сообраќајот, како пешаци и велосипедисти, а во блиска иднина и како возачи. Проектот се реализира од страна на Вишите инспектори за превенција во соработка со Министерството за образование и наука, Локалните самоуправи и електорнските и печатени медиуми. Проектот е финансиран од Мисијата на ОБСЕ во Република Македонија.
Како најдобри на квиз-натпреварот се покажаа учениците од ООУ „Ванчо Китанов“ од Пехчево,освојувајќи го првото место. Второто место му припадна на учениците од ООУ „Никола Петров Русински “ – Русиново, а трето место освоија учениците од ООУ „Дедо Иљо Малешевски“ од Берово.
По повод освоеното прво место на квиз-натпреварот ,, Колку го познаваш сообраќајот“, вчера градоначалникот на општина Пехчево Игор Поповски првонаградените ги прими во неговиот кабинет.
Градоначалникот Поповски упати честитки и благодарност до наградените ученици и нивниот ментор, што со нивниот успех истовремено се афирмира и Пехчево како град со висок потенцијал на млади надежни ученици пред кои веке сега се отвараат вратите на успешна професионална иднина во повеќе области
,,Со оглед на тоа што сообраќајот и сообраќајната култура се суштински дел од нашиот живот, овие квиз натпревари се можност за ширење на знаењата од ова значајна област и континуирана програмска соработка помеѓу училиштата, локалната самоуправа, Министерството за внатрешни работи. Можам само да ви посакам уште многу успеси и во иднина. Јас само можам да ви ветам комплетна поддршка – изјави градоначалникот Поповски.
За освоеното прво место Поповски, во знак на почит на учениците им подари пригодни награди.
