Октомври е месец на книгата. По тој повод ОУМБ ,, Кочо Рацин ’’ – Пехчево, подготви повеќе активности. Една од тие активности е промоција на книгата ,, Огреало јасно сонце ’’ од познатиот поет, публицист, а пред се новинар Киро Герасимов. Промоцијата се одржа во просториите на ООУ ,, Ванчо Китанов ’’.
Габриела Костадинова вд. директорка на ОУМБ ,, Кочо Рацин ’’ во својот говор ги поздрави присутните со неколку интересни мисли.
-Пишувајте за да бидете разбрани, зборувајте за да бидете слушнати, читајте за да пораснете. Ние не растеме еднаш, растеме постојано целиот свој живот, постојано се надградуваме, духовно се издигнуваме и богати сме, зошто сме во допир со книгите, со речниците, со енциклопедиите и со што ли уште не. Затоа уживајте во она што ќе следува. Не вртете се назад, гледајте само напред. Нека Вашето око го забележи само најдоброто, истакна Костадинова.
Книгата ,, Огрејало јасно сонце ’’ е на 170 страници и содржи народни песни, обичаи, верување, преданија и гатанки од Кочанско и Осоговијата.
На крајот на промоцијата авторот и се заблагодари на директорката за гостопримството и и подари комплет книги од неговото творештво.
На промоцијата присуствуваше и градоначалникот на општина Пехчево, Игор Поповски.
