И оваа година по примерот на големите градови, со спектакуларен огномет и многу забава голем број граѓани Новата година ја дочекаа на Плоштадот во Пехчево. Во одлична атмосфера со ора и песни присутните си посакаа среќа, здравје и љубов.
Меѓу присутните беше и градоначалникот Поповски, кој на сите граѓани им ја честиташе новата година.
-Од мое лично име и од иметото на локалната самоуправа Ви посакувам пријатно и ведро расположение за време на престојните празници. Ова се празнични моменти исполнети со најдобри желби за здравје, спокој, оптимизам и разбирање. Моменти кога празничната атмосфера не прави, поблиски до нашите семејства и пријатели.
Ви посакувам Среќна нова година и весели Божиќни празници, драги мои сограѓани.
