Согласно законот за изменување и дополнување на законот за домување, откуп на станови и за сите проблеми со кои се соочуваат граѓаните на овој план, во кабинетот на градоначалникот Поповски се одржа отворен ден за жителите на Пехчево. На средбата присуствуваше и Раководителот на подружницата АД за изградба и стопанисување со стамбен и деловен простор на РМ, Анче Трифунов.
Граѓаните кои присуствуваа на средбата се информираа за сите прашања кој што ги имаат по однос откуп на општествени станови согласно ,, Законот за изменување и дополнување на законот за домување “, откуп на становите и за сите проблеми кои што ги мачат граѓаните, а се поврзани со работењето на Акционерското друштво за изградба и стопанисување со станбен простор и со деловен простор од значење на Републиката.
Раководителот Трифунов истакна дека целта на средбата е да се известат граѓаните кои се корисници на станови добиени од програмата за изградба на станови за лица со ниски примања и социјално загрозени, дека на оние граѓани кои им истекува договорот од 5 години сега имат можност за продолжување на истиот и за откуп на станови по доста поволни усови.
Инаку во одделение на акционерското друштво за изградба и стопанисување со станбен и деловен простор истакнаа дека во Пехчево ќе се градат станови за кои е изготвена проектна документација.
