Општина Пехчево и годинава, традиционално, го реализира Прoект за украсување и декорирање по повод новогодишните и божикните празници, чија што главна цел е да понуди свечени и естетски решенија за плоштадот и централното градско подрачје.
Новогодишен пазар, најразновидни светилки, светлосни фигури, дедомразовци, снешковци, новогодишна елка и многу други украси и годинава се очекува да го разубават периодот околу новогодишните и божиќните празнувања во центарот на Пехчево.
Во моментов во општина Пехчево се работи на поставањето на украсите.Во новогодишен сјај ќе блесне плоштадот Св.Петар и Павле, каде што се поставува елка и штандови од страна на ООУ„Ванчо Китанов, детската градинка „7 Септември“, градската библиотека „Кочо Рацин“ и други. Предвидено е декорирање на тие штандови во центарот на Пехчево, елката ќе е поставена пред хотел „Гогов“, а ќе се краси и околу административната зграда на општината.
Инаку, за граѓаните на Пехчево и оваа година традиционално се организира огномет за дочекот на новата година, кој традиционално го организира општина Пехчево како дружење на граѓаните.
