Во согласност со акцискиот план за промоција и поддршка на велосипедизмот за зголемување на нивото на вклученост на учениците во системот на натпревари и спортски активности, општина Пехчево во соработка со ООУ ,,Ванчо Китанов,, – Пехчево и училишниот спортски клуб Ванчо Китанов на ден 14.10.2014 година (вторник) во периодот од 14:00 до 15:00 часот организира велосипедска трка.
Во трката ќе земат учество учениците од VI (шесто) до IX (деветто) одделение од ООУ ,,Ванчо Китанов,, – Пехчево и учениците во дисперзираните паралелки Пехчево при ОСУ ,,Ацо Русковски,, – Берово од I (прва) до IV (четврта) година.
Прва трка: ученици од VI (шесто) до IX (деветто) одделение од ООУ ,,Ванчо Китанов,, – Пехчево – машки;
Втора трка: ученици од VI (шесто) до IX (деветто) одделение од ООУ ,,Ванчо Китанов,, – Пехчево – женски;
Трета трка: учениците во дисперзираните паралелки Пехчево при ОСУ ,,Ацо Русковски,, – Берово од I (прва) до IV (четврта) година – машки;
Четврта трка: учениците во дисперзираните паралелки Пехчево при ОСУ ,,Ацо Русковски,, – Берово од I (прва) до IV (четврта) година – женски;
Велосипедската трка ќе биде на улица Борис Кидрич во Пехчево.
За освоените прво, второ и трето место, општина Пехчево ќе додели парични награди.
За учество на велосипедската трка заинтересираните ученици да се пријават кај професорите:
Веселка Радинска
Афродита Денковска
Oние ученици кои не се пријавиле немаат право на учество во трката.
Краен рок за пријавување: 13.10.2014 година (понеделник)
