Вработените и децата од детската градинка ,, 7 Септември ’’ во соработка со Црвен Крст организираа низа пригодни активности и хуманитарна акција, на која донираа се што може да помогне на едно социјално семејство.
За таа пригода големата група при градинката подготвија разни манифестации и пред гостите се претставија со рецитали за правата на децата, хуманоста и со музички точки, кои низ игра и песна одлично се забавуваа, а не останаа рамнодушни ниту гостите во градинката, меѓу кои беше и градоначалникот на општина Пехчево Игор Поповски и претседателот на Советот на општина Пехчево Стојче Стефановски.
За таа цел децата на своето другарче Добринка Бојчовска заедно со вработените во детската градинка и претставникот од Црвен Крст, донираа облека, детски играчки, прехранбени производи и се што може да му помогне на ова семејство кое живее во тешки услови.
В.Д Директорката Гордана Вазлиска на сите им порачува да бидат хумани и да донираат кога се во можност.
,, Првите години од животот се темел на воспитанието и образованието на секоја индивидуа. Градинката обезбедува квалитетни услови за згрижување, воспитување и образование на децата од предучилишна возраст. Настојуваме секое дете да расте и да се развива во рамките на своите потенцијали и потреби. Децата ги учиме на толеранција, хуманост, традиционални и семејни вредности и работни навики, културни манири и основни животни умеења .
Бидете хумани и донирајте барем еднаш кога сте во можност чувството е прекрасно кога знаеш дека на некого си му помогнал со нешто ’’, истакна В.Д директорката Вазлиска.
