Забавата која што се одржа вчера во центарот на Пехчево беше само мал доказ за тоа колку добра забава и енергија даваат момците од дувачкиот оркестар Уска – Кан, кои на овогодишниот ,,Фестивал на дувачки оркестри – Пехчево 2014 година,, ја доби првата награда ,,Златна труба,, за најдобар оркестар и наградата за најдобар инструменталист.
Концерт за паметење, преполн плоштад и воодушевена публика, атмосфера на највиско ниво, пеење во хор со публиката, играње до последен атом на енергија се само мали детали од вистинската глетка од вчерашниот концерт во Пехчево.
Концертот е во организација на Општина Пехчево и Домот на културата ,, Јане Сандански ’’, а во чест на победата на овогодинешното 54-то издание на Меѓународниот фестивал во Гуча.
Успехот којшто го постигнуваат дувачкиот оркестар Уска-Кан на светската сцена во Гуча дефинитивно е најдобра промоција на Пехчево и македонската култура.
Незаборавно концерт приредија и гостите Филип Стевановски Бенд од Куманово и вокално – инструменталниот дует на Христо Георгиев – Ице и Нешат Зекиров. Во неговите песни уживаа сите генерации, ги пееа заедно со него и му се воодушевуваа на енергичниот настап и прекрасниот глас.
