Дневен ред на триесет и шеста седница на Советот на општина Пехчево

Врз основа на член 48 точка 1 од Законот за локална самоуправа (Сл.весник на РМ бр.05/02), и член 21 алинеја 5 од Статутот на општина Пехчево (Сл. Гласник на општина Пехчево бр.06/2016 и 05/2019), ja свикувам 36-та седница на Советот на општина Пехчево за ден 25.05.2021 година (вторник). 36-та седница на советот на општина Пехчево ќе се одржи во просториите на ООУ ,,Ванчо Китанов,, – Пехчево со почеток во 11:00 часот. За работа на седницата го предлагам следниот:

ДНЕВЕН РЕД

1. Усвојување на записникот од 35-та седница на советот на општина Пехчево;
2. Предлог oдлука за усвојување на Кварталeн извештај за извршување на буџетот на општина Пехчево за период од 01.01.2021 година до 31.03.2021 година;
3. Предлог одлука за проширување на средствата на Буџетот на општина Пехчево за 2021 година;
4. Предлог oдлука за усвојување на измени и дополнувања на Статутот на општина Пехчево;
5. Предлог oдлука за усвојување на завршна сметка на ОУ МБ ,,Кочо Рацин,, – Пехчево за 2020 година;
6. Предлог oдлука за усвојување на годишен план за вработување во ОУ ДК ,,Јане Сандански,, – Пехчево за 2021 година;
7. Предлог oдлука за усвојување на Програмата за работа во областа на располагањето со градежното земјиште во сопственост на РСМ на подрачјето на општина Пехчево за 2021 година;
8. Предлог oдлука за усвојување на годишен извештај за работењето на центарот за развој на источен плански регион за 2020 година;
9. Предлог oдлука за усвојување на годишен извештај за спроведување на програмата за развој на источен плански регион за 2020 година;
10. Предлог oдлука за усвојување на Измени и дополнувања на годишен план за вработување во ЈКП ,,Комуналец,, – Пехчево за 2021 година;
11. Предлог oдлука за прифаќање на донација (стара железна ограда) од OJУДГ ,,7 Септември,, – Пехчево;
12. Предлог програма за одржување на јавна чистота во општина Пехчево за 2021 година;
13. Предлог програма за одржување на јавно зеленило на подрачјето на општина Пехчево за 2021 година;
14. Предлог програма за работа на општински комунален инспектор на општина Пехчево за 2021 година;
15. Предлог програма за третман на бездомни кучиња, односно нерегистрирани и регистрирани кучиња за 2021 година;
16. Предлог програма за спроведување на општи мерки за заштита на населението од заразни болести на подрачјето на општина Пехчево за 2021 година;
17. Предлог програма за управување со отпад на општина Пехчево за 2021 година;
18. Предлог oдлука за усвојување на годишна програма за поттикнување на развојот на туризмот на општина Пехчево и работа на туристичко информативнот центар – Пехчево,
19. Предлог oдлука за разрешување и именување на членови на Управен одбор на ОУ ДК ,,Јане Сандански,, – Пехчево;
20. Предлог oдлука за усвојување на Правилникот за начинот и вршење на видео-надзор на територијата на oпштина Пехчево;
21. Предлог одлука за усвојување на измени и дополнувања на Програмата за уредување на градежно земјиште на подрачјето на општина Пехчево за 2021 година;
22. Предлог одлука за давање на користење Лаптопи Tesla Notebook на ОOУ ,,Ванчо Китанов,, – Пехчево;
23. Барања од граѓани;
24. Советнички прашања;
25. Тековни активности;

Совет на Општина Пехчево

Претседател

Николчо Јовчев с.р