На ден 12.05 2022 година во рамките на планираните активности, ДЗС преку своите подрачни одделенија за заштита и спасување во Делчево и Берово организира и спроведе кампања за подигнување на свеста за намалување на заканите од шумски пожари под мотото “Да се научиме како да ги заштитиме шумите од пожари” во склоп на Месецот на превенција од пожари. Кампањата се спроведе со презентации помеѓу граѓаните и распределување на промотивни материјали за подготвеноста, заштитата и спасувањето од пожари.
Главен таргет на оваа кампања беа граѓаните од општините Делчево, Македонска Каменица, Берово и Пехчево, кои важат за високо ризичен регион од опасност со пожари на отворено. Освен вработените на ДЗС во денешната активност учествуваа вработени на ТППЕ Делчево и Берово како и претставници од ЕЛС на споменатите општини. 
