Детскиот џагор, смеата, песничките и игрите и оваа година за 1-ви април ја преполнија салата при домот на културата ,, Јане Сандански ’’.
Во организација на детската градинка ,, 7 Септември ’’ , најмладите ученици, со најразлични активности, го одбележаа денот на шегата.
Експлозија од бои и костими. Салата беше местото на кое најмладите, покажаа дека детската фантазија не познава граници. Идеи поттикнати од ликовите од цртаните филмови и омилените бајки, буквално можеше да се види се и сешто. Најразлични маски ги криеја лицата на веселите деца кои маскирани во своите омилени ликови од приказните и цртаните ја развеселија и воодушевија публиката.
Среќата на лицата на секој родител беше видлива, сите подеднакво среќни и возбудени, благодарение на детските ведри насмеани лица.
-Мотивот на маската е поттик, ученикот да размислува на убавите работи кои го опкружуваат и како истите да ги подобрува, или оплеменува. Сакам да ги поздравам најмладите и најмалите коишто се собрани овде со нас да не насмеат и развеселат. Гледам многу маскирани дечиња и така и треба, зошто на 1-ви април, треба да проработи креативноста и сите ние да се препуштиме на музиката, забавата и смеата. На вработените во детската градинка ,, 7 Септември ’’ им посакувам многу успех и уште многу вакви настани, истакна градоначалникот Поповски.
