Денеска тимот на Проектот на УСАИД „Со читање до лидерство“ заедно со актерите Амернис Нокшиќи и Гораст Цветковски, беше во посета на ООУ „Ванчо Китанов“ – Пехчево, како дел од Читачкиот караван на проектот, и одржаа заедничка активност со најмладите ученици под наслов “Читањето и математиката се забавни“.
На настанот присуствуваа учениците од прво до четврто одделение, родителите, како и вработени во училиштето и членови на локалната заедница. Учениците покажаа огромен интерес и активно учествуваа во математичките игри и заедничкото читање кое го водеа Амернис и Гораст. Учениците и останатите присутни уживаа во настанот и беа особено задоволни поради присуството на две познати личности.
Детскиот жагор, насмевките и радоста на децата од шегите на инзворедниот актер Гораст никого не остави рамнодушен во салата. Игрите и читањето на актерите ќе остане во долго паметење на сите деца кои беа дел од оваа заедничка активност.
Да се поттикне свеста за описменувањето кај учениците е крајната цел на овој проект. Добро е што во проектот се вклучени и родителите на децата и тие пред нив и пред нивните другарчиња имаат како еден вид на сценска изведба на мајчин јазик и математика и сето тоа преку игра,дружење и забава.
Активноста насловена како „Читањето и математиката се забавни“ е дел од проектот на УСАИД „Со читање до лидерство“, чија цел е да придонесе за подобрување на јазичните и математички вештини кај учениците, зајакнување на педагошките вештини на наставниците и за подигање на свеста кај заедницата за важноста од јазичната и математичка писменост во интелектуалниот развој на децата.
