Овој викенд претставници на Локалниот младински совет и Локалното собрание на млади при Општина Пехчево заедно со службеникот за млади, Елица Јовевска, беа во посета на Младиснкиот центар во Пробиштип и Младинскиот хаб во Штип. Разменија искуства за начинот на функционирање на горенаведените центри, за тоа како делуваат во општеството, кој раководи со нив и какви активности спроведуваат. Тоа за младите од Пехчево беше уште едно позитивно искуство, како да придонесат повеќе за доброто на заедницата и општината во која живеат. Оваа посета беше само почеток на соработката на Локалниот младински совет од Пехчево со други младински центри и почеток на едно ново пријателство од кое ќе произлезат многу заеднички активности.
