„Како корисник на овој проект, детската градинка има голем бенефит, прво имаме заштеда на финансии, а имаме и намалување на штетните гасови. Сметано околу 5 тона имаме намалување на штетните гасови, а околу 5 илјади долари заштеда за гориво годишно“, рече Гордана Вазлиска, директор на ДГ „7 Септемри“, Пехчево.
„Ова е голем бенефит и за општината и за детската градинка, бидејќи успеавме да го замениме претходниот котел кој беше веќе во распаѓање кој долго време баравме начин да го замениме“, кажа Игор Поповски, градоначалник на Пехчево.
Денеска во Пехчево беа презентирани резултатите од проектот „Намалување на СО2 и заштеда на финансии преку замена на фосилно гориво со обновливи извори на енергија“ . Вредноста на проектот е околу 49 илјади долари, од кои со 20 илјади долари е поддржан од Глобалниот еколошки фонд , а останатите средства се од Здружението „Амрозија“ и Општина Пехчево.
„Целта ја постигнавме со тоа што фосилното гориво го заменивме со два котли кои како енергенс користат обновливи извори на енергија или пелети со моќност од по 10 кв, а другиот аспект е зголемување на јавната свест“, истакна Ирена Кракутовска, НВО „Амброзија“.
Глобалниот еколошки фонд во земјава преку Порграмата за мали грантови инвестира во проекти во земјава веќе 10 години.
„Овој период исклучиво работиме со невладини организации, во Макеоднија се направени 100 проекти и се инвестирани околу 2 милиони долари“, истакна Златко Самарџиев-национален координатор на ГЕФ.
– See more at: http://www.televizijastar.com/index.php/2013-12-12-17-26-39/2013-12-12-17-54-11/item/6480-pehchevskata-gradinka-kje-shtedi-energija#sthash.Bx01I8Xi.dpuf
