Согласно годишната програма за изградба на локални патишта и улици во општина Пехчево, градоначалникот Драган Тренчовски соопшти дека ќе се градат две нови улици во Пехчево, за што денеска се потпишани договорите со фирмата „СД Транс“ – Делчево, која ќе ги изведува градежните работи на истите.
-Станува збор за улици во должина од околу 200 метри и широчина од 3 метри и тоа улицата „Бел Камен“ во Пехчево и улицата „7ми Септември“ во Пехчево. Градежните работи опфаќаат коловозна конструкција од тампонски слој, ситен песок и завршна обработка со бехатон плочки. Средствата за изградба се во вредност од околу 1.200 000 денари и се обезбедени од сопствен буџет на општината, рече градоначалникот Тренчовски.
Со реализација на овие проекти се очекува општина Пехчево значително да ја подобри патната инфраструктура во градот, а со тоа жителите ќе имаат подобри услови за секојдневните потреби и обврски.
Инаку, според договорот што општината го има склучено со изведувачот на работите, градежните работи треба да започнат наредната недела, а комплетирањето на двете улици треба да заврши за 60тина дена.
