Учениците од четврто одделение од основното општинско училиште „Ванчо Китанов“ – Пехчево, денеска беа во посета на локалната самоуправа. Посетата е во рамките на наставата „Запознај ја Локалната самоуправа“.
Домаќин на децата беше градоначалникот Драган Тренчовски кој со гостите се средтна во кабинетот каде ги запозна со работата на општината, надлежностите и начинот на функционирање.
Потоа учениците поставуваа прашања поврзани со методската единица. Најмногу се интересираа за поставеноста на општината, начинот на работа на градоначалникот и советот на општината, а нивните прашања се однесуваа и на училиштето, нивната безбедност во сообраќајот, за тоа каково школо е потребно за да се стане градоначалник колку години е избран. Некои ученици прашуваа и за комуналните проблеми од нивните улици, а дел од учениците побаара да се изградат и детски паркови.
Градоначалникот им одговори на сите поставени прашања и им упати порака на најмладите: Да се развиваат во позитивни личности и секогаш да бидат ведри, насмеани и послушни дечиња и што повеќе да го минуваат слободното време во дружење и спортување.
Исто така четвртоодделенци прошетаа и во другите канцеларии и се информираа за работата на останатите служби во општината.
