Словенци ќе го развиваат ловниот туризам во Пехчево. По добиената концесија за двете пехчевски ловишта,Сараево и Чифлик со површина од 20 илјади хетари, претставници на фирмата Hunting team, фирма која 12 години се занимава професионално со ловниот туризам, денеска најавија дека на ловиштата ќе понудат комплетен ловен производ.
Веќе на ловиштата се вработени тројца ловочувари, по што ќе следува биотехнички работи на ловиштата.
Инаку, Пехчево очекува дека со најавените инвстиции, изградбата на ловни домови, електронското следење на дивечот и другите активности, ќе заживее ловниот туризам во овој дел од Малешевијата.
Ловиштата Сараево и Чифлик 7 години беа без концесионери. По електронската аукција, стана јасно дека напорите на пехчевското ЛД „Буковиќ“ за да ги добијат концесиите биле залудни. Неофицијално,Словенците им ги зедоа ловиштата за 100 илјади, односно 20 илјади евра. Па, пехчевските ловџии, ја очекуваат првата средба со новите концесионери за да ги видат условите за соработка. Според најавите, ловиштата ќе бидат подготвени за стартот на ловната сезона на 11 октомври.
– See more at: http://televizijastar.com/index.php/2013-12-12-17-26-39/2013-12-12-17-54-11/item/1727-slovenci-kje-razvivaat-loven-turizam-vo-pehchevo#sthash.OvS42wkO.2eb2rkVn.dpuf
