Во тек е реализација на проектот „Поставување на соларна дозир пумпа за хлор на резервоарот за вода за пиење во село Црник – Пехчево“. Овој проект е финансиран со 100.300 денари од страна на Бирото за регионален развој на Република Македонија од Програмата за рамномерен регионален развој за 2015 година – за развој на подрачјата со спесифични развојни потреби.
-Обезбедувањето на здрава вода за пиење е прв приоритет на секое едно општество. Системот за водоснабдување на општина Пехчево и за населените места во општината е еден од најважните инфраструктурни објекти во истата, истакна градоначалникот Поповски.
Со поставувањето на Соларната дозир пумпа за хлор на резервоарот за вода за пиење во село Црник – Пехчево ќе се искористат природните ресурси, односно природните обновливи извори на енергија – сонцето. Со реализација на овој проект ќе се подобри квалитетот и исправноста на водата за пиење во село Црник, а со тоа ќе се овозможи квалитетот на здрав живот на граѓаните, ќе се подобри јавната хигиена како и хигиената на живеење. Со соларната дозир пумпа за хлор ќе се врши постојано хлорирање, однсоно дезинфицирање на водата за пиење и истата ќе биде бактериолошки и хемиски чиста и исправна, ќе бидат уништени сите патогени и факултативно патогени микроорганизми во истата.
