Жешки ноќи во Пехчево најавува шестото издание на Фестивалот на трубите во Пехчево. Малешевијата ќе ечи од виртуозите на труба, од 13 до 16 јули.
Традицијата на трубите во Малешевијата, понудена како атракција на натсвирување на македонските виртоузи на труба, претставува туристичка понуда за гостите во Малешевијата, но и економски бенефит за локалната економија.
Најреномираната културна манифестација во Малешевијата и поширокиот регион годинашното 6-то издание на Фестивалот на дувачки оркестри Пехчево 2016 и овојпат, согласно реномето, ќе понуди врвни музички доживувања.
Миленикот на младите, но и на постарите Саша Ковачевиќ на 16 јули ќе одржи голем концерт на плоштадот Св. Петар и Павле во Пехчево.. Сите негови старо-нови хитови присутните во публиката Пехчевци ќе имаат ретка привилегија заедно со него да ги отпеат во еден здив.
Миле Кузмановски, Силви бенд, Дувачки оркестар Џамбо агушеви, Дувачки оркестар Уска – Кан, Дувачки оркестар Бојан Ристич – Република Србија, Дувачкиот оркестар и мажоретниот состав од Ловеч – Република Бугарија ќе бидат дел од четиридневниот фестивал на трубите во Пехчево. Покрај познатите музички имиња во ревијалниот дел ќе настапат познати македонски и бугарски диџеи, и тоа Dj Brass Brothers, Dj Marga de sol , DJ Mats, Dj Marek, Dj IKE DE KOKA + LASER HARP.
Во функција на фестивалот се ставени и сите расположиви сместувачки капацитети, а оваа година посетителите ќе имаат можност да се сместат во новоотворениот прекрасен Хотел ,,Гогов“ во Пехчево. За овој веќе традиционален спектакл на трубата, Пехчево е подготвено да пречека над 60 илјади гости во четирите фестивалски вечери.
На плоштадот е планирано поставување на штандови со скара и пиво. Инаку, во натпреварувачкиот дел се очекуваат најголемите виртуози на трубата од Македонија, а пријавувањето на учесниците е во тек. Наградите, златната труба, труба и тапан ги обезбедува Општина Пехчево и спознорот ДО РЕ МИ.
Доколку сакате незаборавна вечер и одлична забава, Ви препорачуваме нека тоа биде една Ваша убаво помината летна јулска ноќ во Пехчево.
