Градоначалникот на општина Пехчево, Драган Тренчовски и Градоначалникот на општина Берово, Звонко Пекевски беа во работна посета на локацијата каде се во тек градежните работи за тампонирање на полскиот пат помеѓу с.Робово, општина Пехчево и с.Мачево, општина Берово.
Проектната активност за тампонирање на полскиот пат с.Робово – с.Мачево подразбира тампонирање на постоечки земјен полски пат помегу двете населени места со што ќе се олесни пристапот на земјоделците до обработливите површини, односно се врши порамнување на подтлото на патот, насипување, валирање и тампонирање со кршен камен на пат со должина од 1.200 м. и ширина од 3,5 м.За одведување на водите од околните ниви и канали предвидени се 3 пропусти преку полскиот пат.
Подобрувањето на патната инфраструктура и во тој дел подобрувањето на полските патишта е исклучително важно за руралниот развој и за земјоделците бидејќи овозможува полесен, побезбеден и побрз пристап до земјоделските површини.
Тампонирањето на полскиот пат с.Робово – с.Мачево е проект кој се реализира во рамки на Програмата за капитални субвенции за развој на планските региони во областа на земјоделството и руралниот развој на Министертвото за земјоделство, шумарство и водостопанство, односно е дел од проектот “Подобрување на руралната патна инфраструктура преку изградба на пристапни патишта во подрачја со земјоделска дејност и обработлива површина во Источен плански регион” на Центарот за развој на Источен плански регион”.
Канцеларија за локален економски развој
