“Видови на билки и шумски плодови во Пехчево” беше темата на работилницата која се одржа во Пехчево, која е дел од проектот “Пехчевци горди со водопадите и Равна Река “. Имплементатор на проектот е Организација на жени на Пехчево и истиот е дел од Програмата за зачувување на природата. Национален координатор на програмата е Helvetas Swiss Intercooperation од Швајцарија и Фармахем – Скопје, и истата е финасирана од Швајцарската агенција за развој и соработка (СДЦ) во Македонија.
На настанот свои излагања имаа Координаторот на проектот Др-Нада Симовска, Претседател на Организација на жени на Пехчево која го претстави проектот и асистентот на проектот– Милица Дракалска претставник од Организација на жени на Пехчево која присутните ги запозна со расположливите видови на билки и шумски плодови во Пехчево и околината, со нивните својства, начин на собирање, третирање и сл.
Инаку, проектот е со времетраење од 8 месеци, а вкупниот износ за негова имплементација е 490.800 денари и целата сума е обезбедена од Програмата за зачувување на природата.
