Најреномираната културна манифестација во Малешевијата и поширокиот регион годинашното 7-то издание на Фестивалот на дувачки оркестри Пехчево 2017 и овојпат, согласно реномето, ќе понуди врвни музички доживувања.
-Привилегија, чест и задоволство за нас ни претставува да го водиме овој фестивал кој е најпрестижна манифестација од тој вид не само во Пехчево и Малешевијата, туку и во регионот и пошироко. Сакаме да најавиме дека оваа година Фестивалот ќе се одржи од 13 до 15 јули.
Фестивалот на дувачки оркестри низ долгогодишната традиција веќе има наметнато високи уметнички стандарди, така што не планираме позначајни промени кога станува збор за концептот, но сепак најавуваме дека ќе посветиме внимание на одреден дел од програмата да секоја вечер имаме концерт на дувачки оркестри која би била интересна за поширокиот аудитириум, и содржини од најразлични уметнички остварувања – концерти на домашни музички групи и пејачи, а ќе имаме концерт на балканска група, која би привлекла публика од поширокиот регион. Веќе имаме договорено врвни уметници како Љубојна, Наум Петревски и Зуица Лазова, а во преговори сме и со други и се надеваме дека ќе успееме да оствариме дел од овие замисли, истакнаа организаторите на фестивалот.
И оваа година на спонзорите им изразуваме огромна благодарност што не подржуваат во секоја наша идеја за фестивалот.
Во најскоро време ќе биде презентирана програмата за 7-тото издание на фестивалот кој и ова лето ќе го задржи реномето со домашни културни збиднувања од музичката сцена.
Инаку, Фестивалот се организира како дел од активностите за прославување на празникот на градот – Павловден и има за цел да ја промовира традиционалната музика и на дувачките оркестри да им овозможи поголема афирмација.
