Почитувани граѓани на општина Пехчево,
Ве известуваме дека во наредните денови (од утре па натаму) ќе се отпочне со реализација на законската обврска – заловување на бездомните кучиња, односно нерегистрирани и регистрирани кучиња кои слободно шетаат по улиците.
Согласно законските одредби, сопствениците на кучиња се должни своите кучиња да ги држат во сопствените дворни места. Кучето може да се изведе надвор од дворните места само со кошница на уста и врзано со каиш придружувано од сопственикот. Сопствениците на кучиња се должни сместувањето и чувањето на кучиња да го уредат на начин што нема да пречи на мирот и спокојството на соседите и на видно место (на влезот од дворот) да постават табла за известување дека чуваат куче.
Заловувањето на бездомните кучиња, односно нерегистрираните и регистрираните кучиња кои слободно шетаат по улиците, ќе се врши од страна на квалификувани лица на избраната фирма на тендер за заловување на кучиња АД Ветеринарно сточарски центар Тодор Велков од Куманово, на начин кој нема да предизвика непотребна болка или страдање.
Трошоците за заловување и третман на регистрираните и нерегистрираните кучиња се на товар на сопствениците на кучиња, а во случај на бездомни кучиња, товарот паѓа на општина Пехчево.
