Во четврток, 18 декември во 12 часот на пладне, пред Домот на културата во Пехчево, Директорот на Мисијата на УСАИД, Џејмс Стеин, ќе се придружи на општина Пехчево во прославата на завршувањето на реновирања и конструкција на енергетски фасади низ градот Пехчево: општинската зграда, основното училиште Ванчо Китанов, детската градинка 7 Септември, спортската сала Јане Сандански, како и Домот на културата Јане Сандански. Реновирањата се извршени како дел од учеството на Пехчево во Проектот на УСАИД за општински стратегии за климатски промени (MCCSP).
Директорот на мисијата, Џејмс Стеин, градоначалникот на Пехчево, Игор Попоски; координаторот на Програмата за мали грантови на Глобалниот фонд за животна средина, Златко Самарџиев; и директорот на Проектот на УСАИД за општински стратегии за климатски промени (MCCSP), Игор Славкоски, ќе дадат кратко излагање пред да ја пресечат лентата и свечено да ја прогласат активноста за завршена.
